|
100%-ით ქართული კაპიტალით შექმნილმა სს „ქართული ლუდის კომპანია"-მ ლუდსახარში „ზედაზენი"-ს მშენებლობა დაიწყო 2011 წლის გაზაფხულზე. მშენებლობისათვის შერჩეულ იქნა ადგილი ზედაზენის მთის ძირას, სოფელ საგურამოს შესასვლელთან. გადამწყვეტი როლი ადგილის შერჩევაში ითამაშა უნიკალურმა წყალმა, რომელიც აქ მოიპოვება. ზედაზენის მთა ქმნის ბუნებრივ სისტემას, რომელიც არამარტო ფილტრავს და აზავებს წყალს საჭირო მინერალებით, არამედ მუხტავს მას საოცარი ენერგეტიკით. შესაბამისად, პროდუქციაც რომელიც ამ წყალზე მზადდება უნიკალური თვისებებით გამოირჩევა.
მშენებლობის დაწყებიდან 7 თვეში, ცარიელ ადგილზე თანამედროვე ტიპის ლუდის ქარხანა აღიმართა. მშენებლობასა და უთანამედროვესი აღჭურვილობის მონტაჟს ადგილობრივ მუშახელთან ერთად ჩეხი, გერმანელი, ფრანგი, სლოვენიელი, ავსტრიელი, პოლონელი, თურქი და უკრაინელი სპეციალისტები აწარმოებდნენ. საწარმოო ციკლის ყველა უბანი აღიჭურვა ტექნიკით, რომელიც ფაქტიურად ბოლო სიტყვაა თანამედროვე კვების მრეწველობაში.
2012 წლის დასაწყისში ლუდსახარში მზად იყო საცდელი ხარშვების განხორციელებისათვის. 2012 წლის 2 აპრილს მოხდა ლუდსახარში „ზედაზენი"-ს საზეიმო გახსნა და დაიწყო მისი პროდუქციის საქართველოს მასშტაბით რეალიზაცია. იმავე აპრილის 25 რიცხვში მოხდა „ზედაზენი"-ს პროდუქციის პირველი საექსპორტო გადატვირთვაც. ლუდის ახალი ერა ქართულ ბაზარზე დაიწყო.
ლუდი, ზედაზენი, ხევსურული, კიონინგ პილსნერი, პილსნერი, ოქროს არწივი, ლიმონათი, ლიმონათი ზედაზენი, ენერგეტიკული სასმელი ვაილდერი, ვაილდერი, ცივი ჩაი, ცივი ჩაი ბაიხო
|
