Crystal Hotel And SPA მდებარეობს სამთო-სათხილამურო კურორტ ბაკურიანში, თბილისიდან 185 კმ-ში, დიდველზე, კრისტალის საკურორტო ზონაში.
კრისტალი სტუმრებს შემოსვლისთანავე უქმნის ამაღლებულ განწყობას. სასტუმროში სრულყოფილი დასვენების ყველა წინაპირობაა: დახვეწილი დიზაინის ნომრები, უმაღლესი ხარისხის მომსახურება, პრაქტიკული ადგილმდებარეობა, საუკეთესო ხედები და სხვა.
|
სასტუმროს ნომრები მთის ბუნებასთან სრულ ჰარმონიაშია. ნათელი და ვრცელი ოთახებიდან ბაკურიანის უმშვენიერესი ხედები იშლება, რომლებიც, დაუვიწყარ შთაბეჭდილებას მოახდენს თქვენზე და დასვენების დღეებს კიდევ უფრო სასიამოვნოს გახდის.

კრისტალ რეზორტი გასტრონომიულ სრულყოფილებას უზრუნველყოფს. მრავალფეროვანი ტრადიციული ქართულ-ევროპული კერძები გაჯერებულია თანამედროვე ელემენტებით და კულინარიულ თავგადასავალში გამოგზაურებთ.

სასტუმროში შეძლებთ ისარგებლოთ: 25 მეტრიანი საცურაო აუზით, სპა და ფიტნეს ცენტრით, ჯაკუზით, ფინური საუნით, თურქული ჰამამით და სპა პროცედურებით.

კომპლექსის ტერიტორიაზე, კრისტალის საკურორტო ზონაში განთავსებულია – ორი საბაგირო ხაზი საერთო სიგრძით 2300 მ. გონდოლებიანი და ნახევრად ღია სავარძლის ტიპის საბაგირო , სხვადასხვა სირთულის სათხილამურო ტრასები, კრისტალ პარკი, კეთილმოწყობილი საპიკნიკე ზონებითა და განათებული საფეხმავლო ბილიკებით, საბავშვო ატრაქციონები, საციგურაო მოედანი, სნოუ თუბინგი, სასრიალო ინვენტარის გაქირავების ცენტრი, კაფე-ბარები, რესტორნები და სხვა.  ტერიტორიაზე ასევე გათვალისწინებულია სპორტ დარბაზი პროფესიონალი სპორტსმენების შეკრებებისთვის.
კრისტალში გატარებული დღეები დაუვიწყარ მოგონებებს გპირდებათ.